今日睇咗幾個門診新症, 有時會覺得好可惜, 點解有D 病人的情況咁差先嚟睇,
又或者之前睇過, 跟咗一兩次個病人就冇再嚟........ 到而家病情轉壞了先又再嚟睇,
有時來得太遲, 神仙都難救.......
而家我醒目了, 一見到D 病人, 通常會問佢:「你上次睇咗醫生/治療師, 佢話你咩事呀? 你講返俾我聽」
之後往往發覺, 病人都是一知半解, 明明好多嘢一定有講 (排板都有寫), 病人連少少都講唔出,
大大個有埋 report 的檢查, 佢都話唔記得做過, 真係好啞,
於是往往要花好多時間, 將所有有關的病情都同佢解釋返一次,
但我總覺得病人教育是很重要的, 解除了很多的誤解後, 或者佢會接受自己的病多一點,
明白將來的路應該怎樣走~
很感恩的, 我又目睹了一個奇蹟的個案,
普遍都認為冇得救的鼻咽癌電療後遺症, 因為那位先生很醒目, 太太的 support 亦非常之好,
由第一次見佢要佢插鼻胃喉, 再要佢喺個胃開個窿插個長期胃喉, 諗住佢都冇機會有咩進展,
至到一路見佢做訓練, 一路見到佢有奇蹟的進步, 實在很欣賞他和太太的努力,
昨日, 我親手同佢做 X-ray 檢查, 親口話佢聽好返好多, 胃喉都可以唔要,
先知道原來有D 公認為死症的 case, 其實還可以有希望的!
不過很 sad 的 case 還日日都有, 今日到了我最怕到的腫瘤科病房,
3x 歲, 腦瘤, 切完唔知點解冇做化療, 復發, 而家.......
星期五, 心情該輕鬆點, 放工沒煮飯, 到旺角走走,
去吃農夫包, 點知牛柳變咗豬扒.....
還去了買跑鞋, 我要陪波比先生跑跑跑呀!
沒有留言:
發佈留言