大阪 - 天王寺動物園

由通天閣落嚟, 行兩個街口, 就係天王寺動物園了! 係呀, 我哋又去睇動物呀!

呢個動物園比較細, 動物種類都多, 但好多時都係得一隻..... 佢哋好似好孤獨啊.....

先去了睇海獅, 嘩, 曬太陽幾 happy!



可以俾錢買魚嚟餵海獅o架, 嘻嘻,
波比先生就變了好似海洋公園嗰D 訓練員咁, 拋D 魚俾海獅食!~



不過同時, 有好多好醒目的雀仔, 等你一拋佢就會飛埋嚟搶食.....



有個馬騮園, 左邊嗰隻馬騮勁曳又勁惡呀, 佢成日蝦有隻馬騮, 打佢, 仲用樹枝 fit 佢,
Fit 得 high 得濟, 連佢阿媽(估計係) 都 fit 埋!!!
阿媽即刻搶咗佢條樹枝, fit 返佢轉頭!!!
嗰隻俾人蝦的馬騮好慘啊..... 不停嗚嗚嗚慘叫啊......



笨象的腳板仔, so cute!



唔少得當然係北極熊啦! 點知, 佢同神戶嗰隻一樣, 只是不停的來來回回行來行去.....



遇上一班兩歲到的小朋友嚟參觀, 有個小朋友見到我哋講D 佢聽唔明嘅話,
用好奇怪的眼光望住我哋!



園內有好多櫻花樹, 可惜開的仍然是少數





點解D 日本妹咁鍾意做 V 字手勢影相?? 原來佢哋從小就已經俾媽咪訓練!







還有會唱歌的企鵝, video 後補!





行完動物園, 我們去了食炸串, 呢一區係好出名的!



不過, 其實冇乜特別, 反而叫了佢的燒物就好有驚喜,
真的明火燒, 燒到D 雞皮又脆又香!