月頭出血日

八月了, 又一個新開始, 希望一切都美好~

大清早同波比先生去睇早場<<竊聽風雲>>, 如各朋友所言, 呢套真係一套近年少有好好睇的港產片!!
一次過睇晒4 大型男, 乜都返晒本, Daniel 真係揸個電鑽去鑽窿都型過人!
全套戲每一秒鐘都好緊張好緊湊, 劇本好演員都演得好,
係個結局慘D 囉......
Anyway 都好推介大家去睇!!!

睇完戲, 去大馬路一帶行街,
上星期冇去到書展, 今日喺書局終於都買到馬仔本<<我的低能大肚之道>> 喇,
好快就刨晒, 真係好攪笑!
不過未生嘅朋友睇完, 可能會有恐懼而唔打算生 B,
因為真係全紀錄了懷孕的過程,
準備造人 + 有咗嘅 10 個月 + 坐月都唔食得魚生刺身海鮮杯麵西瓜雪糕凍飲, 真係好唔人道....
有咗會身材走樣/瘦唔返, 日日想嘔食完又嘔但大嘅唔食細嘅都要食, (親身見證過有朋友係咁),
臨尾一兩個月行又辛苦連坐同瞓都辛苦......
生完仲有一大堆教養的問題, 唉......
總之覺得身邊嘅媽媽/準媽媽朋友真係好叻好犀利!!!!

生同未生嘅妳, 都值得買本返嚟睇吓!

仲有去行千色店, 嘩, 有新玩具啊!!!
見返舊 workplace 都有的釣鴨仔玩具, 必買!!
仲有兩件發聲的 BB 玩具, 係一心買俾肥妹 BB 玩的!!

仲有買咗好多其他嘢, 一個朝早用咗幾舊水, 洗錢真係好容易!!!