開心探 B 日

約完再約, 今日終於可以去波比先生大學同學屋企探 BB 了, 好興奮!

會合前好趕地喺奧海城的 Food Republic 食咗個 lunch,
我的日式咖喱吉列豬扒飯, 咖哩都幾辣, 豬扒好得, 好脆而肉又好嫩!
不過個湯好咸, 餃子係凍嘅 (Food court 嘢都唔可以要求太多)



波比先生的奄列飯, 都唔錯!



之後我喺會合了三個波比的同學, 就一齊上去 BB 屋企了~

係一對孖仔 BB 啊!! 好好好得意~~~
不過咁細個, 大部分時間都係 drowsy 地瞓瞓瞓, 都未識同人玩住,
不過我抱 BB 時, 佢笑得好開心啊!
但嗰個百厭的波比先生, 竟然去攪 BB 的手手腳腳, 嘩, 個仔唔係你o架, 你整親人哋個仔點算呀?

見住爸爸媽媽, 一人湊一個, 喊啦、扭眼瞓啦、餵奶掃風啦、換片啦, 忙過冇時停......
真係好辛苦啊....
雖然做父母的都會樂在其中, 但係星期六日自己想出吓街都唔得......

嘻嘻, 我哋都係去人哋屋企, 玩吓人哋的 B 好了~

今日熱得過份, 由超級市場買雪條返屋企，返到去竟然溶咗一半...... 冇陰公.....