Good start of August

八月嘛, 又好多同事輪流放大假, 師妹去歐洲流浪 18日, 真係爽~
好多嘢都係要趁青春去做, 好似我哋一把年紀的, 萬一去歐洲都只可以跟鴨仔團好了~

今日去睇睇尋日提及的伯伯, o依, 唔錯喎, 成個人精神咗好多呀,
上星期五見到佢, 真係俾佢嚇親....

同一病房, 遇返個上年睇過佢的 CVA patient,
問佢仲記唔記得我, 佢又真係記得喎, 仲話我請佢食餅嘛, 哈哈, 犀利~

今日睇咗個阿婆, 真係好勁! 94 歲仲可以自己照顧自己, 對答如流, 佢仲話: 「我仲有做嘢o架」
「做咩呀?」
「我要去買餸呀, 又有自己執紙皮呀, 你哋唔好再俾粥我食啦, 我要食飯呀」
真係 O 晒咀.......

回家, 收到 Habie 從加拿大寄來的 wedding invitation, 好鄧妳開心啊~
我打算改 11月頭去旅行呀 (如果去的話), 所以到妳返嚟時, 應該可以盡量就妳時間出嚟聚一聚!



今晚新煮意: 芝士蕃茄蛋煮肉丸
芝士同蕃茄永遠都係好好的配搭, 肉丸係好似宜家傢俬嗰種, 好好味呀~