當 GODIVA 朱古力遇上麥包

我真的將前幾日提過那排 GODIVA 朱古力, 塞進了麵糰去造麵包, 哈哈哈!
麵糰雪了三日, 始終會較為實淨, 焗出來沒有那麼鬆軟, 變得很 chewy

Caramel Apple Chocolate 溶了, 配上沒什麼甜味的麥包, 甜度剛剛好! 這個其實似甜品多過似麵包~



上面放了新買的脆卜卜入爐朱古力



辛苦的一星期又過去了, 同事不停的 sick leave........... 返工的同事都忙得要死..........
下星期老細放假, 又係我最 frustrated 的日子..........

唉, 今晚點都要去食餐好的, 去元朗的正記大排檔, 嘩, 人山人海,
客人數量多過元朗任何一間酒樓! 坐滿成條街真係壯觀!

食了最唔健康的蠔餅同椒鹽瀨尿蝦,
仲有要等足一個鐘的煲仔飯 (趕時間真係唔好叫!), 滑蛋牛肉甜豉油, 就是最簡單又美味的組合!
我下星期都要煮煲仔飯啊!