Healthy Bread in Five Minutes a Day

Yeah yeah yeah, 成個月之前在 Amazon.com 訂的麵包書終於都寄到來了, 好開心~

上一期的免搓軟包就是跟它做, 效果很好嘛, 於是就買了這本書,
一打開書............. 呀............. 全部都係字, 好似我的 reference book 囉...... (唔似睇開的烹飪書以圖為主)
但真係好 pro, 頭幾個 chapter 就著材料同工具都仔細解釋一番~



有冇睇過前日蘋果日報的 方包含鹽多過薯片?
我都估唔到D 鹽份咁犀利啊! 我基本上每一朝都係食方包為生的......

哈, 咁 weekend 應該又要整返批麵包了!
星期五晚發酵, 點知等咗成個鐘都唔見咩起色...... 怕我用的 yeast 已經死了, 作了最壞打算....
於是由佢發足一晚, 點知第二朝起身, 嘩, 發到滿瀉出嚟咁勁嘅?!



剪了今日食的份量, 其他放雪櫃留待之後幾日用~ 很愛這密實盒, 這是我的麵包 BB 培植場~



今天整的是香草粟米芝士包, 焗的時候廚房好香!
有纖維有蛋白質 , 唔錯吧~



中間的芝士熱溶了, 趁熱食味道很讚!