一早要介紹吓呢個聖安娜新出的朱古力蕃薯包, $6.5 的價錢, 實在超值!
麵包夠鬆軟, 雖然朱古力味不算突出, 但係入面的蕃薯餡實在很足料, 絕對同 A-1 bakery 的不相百仲!
價錢是 A-1 的一半, 整這個包的工序也不少, 對於識得整麵包的人,
會絕對欣賞呢個包賣 $6.5 是十分抵!
近年都十分欣賞聖安娜的出品, 努力求變, 價錢合理, 味道唔錯~
之後, 我們去了醫院參加一個有關運動醫學的 convention,
聽了講座, 介紹跑步同健康, 不過內容太入門, 我們看書看網頁所知的, 比今天還多,
但作為推廣運動健康俾一般市民, 還是不錯的~
每星期三天的運動, 你做到嗎?
如果你好似我咁, 日日喺醫院見到D 中風高血壓心臟病的病人有幾慘, 你就會知道運動的重要性了!
縱使你幾有錢, 生活有幾奢侈豪華, 但沒有健康的話, 真係有錢都冇命享~
所以有很多名人高層, 都是運動健將, 我醫院都有好多醫生是跑友, 因為他們都有健康的智慧~
有D 朋友見到我們兩夫婦去跑步, 自己都開始跑步, 告訴我她買了跑鞋, 告訴我她去了運動場走幾圈,
我們聽到都是開心的! :D
因為我們都想朋友們健健康康~
講座之前, 還有很多有趣的運動/體能測試,
我們做了個量度皮下脂肪的測試, 結果係..... 我的皮下脂肪係波比先生的兩倍!!!!
有冇攪錯呀.... 冇天理呀...........本身是大肥仔的波比先生, 幾年內狂減幾十磅之餘, 而家D 脂肪仲要少過我!佢對腳真係好恐怖, 冇肉o架............
睇嚟我都係唔好食咁多甜食了..............
Seminar 完了, 我們去新城市廣場食飯, 周圍都太多人, 於是醒起有間喺大會堂的西餐廳.
很普通的 lunch , 湯唔熱, 咖啡淡, 主菜一般, 都要 $80, 只係貪其唔洗排隊等位,
點知, 當晚我肚痛同肚痾! 實在太恐怖了, 我出名腸胃十分強壯, 一兩年都唔會腸胃炎一次,
點知就係出事了, 證明應該食物真係好唔乾淨吓囉~ (腸胃炎徵狀到星期日還未好, 仲有間歇性想嘔....)
夜晚去了波比同學家, 五星級的維港 view, 唔使同人迫看煙花真的一流! 多謝朋友的招待~
沒有留言:
發佈留言