自家海鮮餐

星期六, 一早又醒咗........
於是 finalize 關西之旅的行程, 印晒所有嘢,
非常充實的行程, 太興奮喇!

10點鐘去了跑步, 唔知係咪今日太熱, 我同波比先生跑完返嚟都好唔舒服,
波比跑跑吓嘔, 我就又頭痛又全身發滾..........
兩個人都要食藥再瞓咗陣先好D.......... 都唔知係咪中暑呀!

夜晚約了阿姨食海鮮, 差D 唔舒服到要考慮唔去食, 但又訂晒大閘蟹所以都係去啦, 好彩六點零已經冇咩事~
我們去了三聖買海鮮, 我住咗屯門元朗咁耐, 還是第一次見識三聖的海鮮檔,
果然又大隻又新鮮呀!



買到去阿姨屋企, 有阿嫲同埋工人整, 我都有幫手刷鮑魚



今晚超多餸呀, 這是從九龍城訂返嚟的大閘蟹



嘩, 好正呀~~~ D 膏又香又滑, 果然同我平時喺街市買的差好遠!



超大隻的扇貝, yummy yummy!



我負責炒的豉椒蟶子, 因為新鮮嘛, 所以很鮮味爽口, 炒了兩大盤, 哈哈, 好滿足的海鮮餐!