火熱熱

火熱熱的天氣, 日間最好的活動就是 -------------- 返工!
因為有強勁的冷氣房, 完全唔洗出露天地方, 放工一離開, 覺得這世界像個大蒸籠!!

前幾天去廣州, 已經預習了一次超炎熱的氣溫下去旅行, 是一出街, 行少少路就已經滿頭大汗那種
不敢想像下下星期的台灣之旅會係點..........
又想好好天, 因為我要拍宜蘭花蓮的美景,
但又怕太好天, 曬得不停流汗一身汗臭......... (廣州之旅, 每天都覺得自己是臭的, 每天最渴望的事就是回酒店沖涼!!!)

今晚一個人食飯, 於是煮了涼透心的冷麵~ 加點中華沙律原來味道很夾!



看完了高木直子的<<一個人去跑步>>了, 真是超精彩, 好好睇好好笑!!!
攪到我都希望有一日同波比先生去參加一次全馬馬拉松,
不過而家我還是超級BB 班啦...........

直子真的很有恆心, 差不多每天都去練跑,
很多有趣事, 都身同感受,
很多跑步的要訣真係好受用! 我要試試看呀!
日本真好, 有好多方便跑者的設備, 很想去見識一下~

之後, 忍唔住去買咗個小腰包呀! 連 430ml 的水都裝得落, 仲可以裝埋 iPhone,
因為前日發覺太熱了, 我一向拎住 iPhone 跑真係唔得, 會被手汗整到濕晒呀..........
所以都係買個袋仔裝住穩陣好多!



大阪馬拉松訓練日誌 (5): 今日嘗試改善跑姿, 點知可能因為跑姿太正確, 所以跑得快咗D
後段唔係好夠力添~ 不過學教練話齋, 睇跑的時間, 唔好睇跑的距離
今日就跑了差不多 55min, 6.96km
努力, 我要努力啊!