星期五晚, 相約 7pm 在旺角搭直通巴去祈福, 本來都預咗要三小時, 但最後要四小時........
架車原來喺香港要兜幾個站, 過咗開又要等好耐先有第二班大陸車, 攪到 9pm 先喺深圳灣開車...
令到我們失了點預算, 到達祈福已經係十一點幾, 食街收工了, 只得兩間食店,
好彩我們選了一間叫「貓頭鷹」的都唔錯!
孜然羊肉串, 好正, 要喺大陸先食到的美食!
雞串都唔錯, 係有好香的燒烤味, 不是煎的! (香港的串燒普遍也是煎/焗的....)
炒麵同菜, 飽肚, 但係好油......... 呢個 trip 我諗我食咗我平時一個月份量的油落肚......
很讚的燒蠔, 一入到去見人人都叫, 我們都豁出去了, 哈哈!
多蒜蓉, 唔腥, 十分正! (第二天沒有人拉肚子, 應該 ok!)
食完嘢, 咁啱搭到 shuttle bus 入去,
我初時以為祈福係幾層高的 apartment, 點知完來有屋仔又有大廈, 我們住的是大廈, 過千呎的單位!
猜包剪揼抽房 (哈哈, 我們都是大細路), 最後抽到了雙人套房, 好大!
洗手間是酒店 feel, 仲有衣帽間, 很浮誇!
第一晚就咁過了
星期六, 時晴時雨, 我們早起, 趁其他朋友都未起身, 我們落去走了一圈,
波比帶晒裝備嚟跑步, 繞湖跑了三圈共 5km
走到對岸, 見到我們住的大廈
沿路走, 都是老人家和小朋友, 在綠色步道中散散步, 實在寫意, 怪不得有些人要上來過退休生活
不過我還是接受不了這裡的互聯網, 所有網站都上唔到, 看不到新聞, 像與世界隔絕...
沒有留言:
發佈留言