[愛住家菜] Ribs + 黑松露醬帶子煙三文魚意粉

連食了幾餐粥同麥皮之後, 煮返個大餐俾波比先生食, 獎勵佢照顧病咗的老婆!

前排一田大減價時, 買了一大條美國的 ribs, $150 減到 $100
切開一半, 放入焗爐焗 40 分鐘就得, 外層有點脆脆!



切開睇睇, 好厚肉, 味道一流, 老實說好食過 Outback 呀 Ruby Tuesday 呀好多!
出面賣百幾蚊一份, 都係瘦瘦的食完都唔覺自己食過嘢咁.......



還有買了一樽黑松露醬, 我一路都唔知道究竟黑松露是什麼味道,
出街所謂食過的, 都是碎碎得幾點, 食咗等如冇食,
自己整就唔同了, 落一大 pat 再撈埋佢都得, 原來是有一種特別的香氣, 很不錯~



病到呆了兩天, 實在要做做運動,
同波比仲有長跑班同學到天水圍運動場練跑, interval + 均速跑 7km
還有幾天就是半馬了, 愈來愈緊張!