[愛跑步] 被特訓的老婆

多得山友的穿針引線, 今晚去了跟跑會練跑,
其實真係要有D 勁人帶住自己, 等自己冇得 hea, 才會練到成績~

去到好多人, 今天練 Interval, 即係最高速跑 1km, 然後抖三分鐘到, 又再嚟過, 共跑八次
其實跑 interval 呀, tempo run 呀, 一向都知係乜, 但就從來都冇認真去實行過, 總覺得好辛苦
但係今日跟住一班人跑, 又覺得 ok 喎, 有D 人的步速超級穩定, 跟住佢可迫到自己快D 之餘, 自己也可練習到穩定的速度去跑,
而我也十分喜歡這五分鐘一停的模式, 我個人最怕長同悶啊~

波比跟最快的一組, 那組的人真的超級強勁!!! 很多都是三小時內完成全馬的超級跑手~
步頻密步距長, 練習都跑咁快...... 我在旁邊似烏龜......





練完呢, 真係好攰, 我想話從冇試過咁認真地練習, 一班人真係好有鼓勵作用!!
波比先生更是跑得半死, 跑完見佢成個呆咗, 未見過佢跑完會變到咁嘅史樣..... 證明那些人真的太勁了!!
好彩有揸車, 否則要等半個鐘巴士再行返屋企的話實在會史.....
但一路揸車一路好眼瞓...... 成個人好似冇電咁! 好彩最後都安全回家~

很多謝山友的介紹, 渣馬前的日子也會定期跟這班強人練練, 希望有更好的成績!!