[愛跑步] 一年一傷....

唔知係咪呢兩星期操練過度, 受傷了.....
其實上星期四已覺得左膝有點唔妥, 到星期日練長課跑屯門至荃灣時,
跑了七公里已覺得幾痛, 再跑, 已覺得好唔掂......
最後喺深井搭車返屋企....

其實都唔係好明點解傷?? 訓練又冇上落斜.....
那種痛的感覺, 同上年一月的膝傷一模一樣!!!

因傷, 知道要停晒所有練習..... 實在驚之前的努力都前功盡廢, 無奈.....

星期四了, 好了點, 但膝頭屈到去某一角度, 上落樓梯都係痛.....
陪波比去訓練, 見到人哋有得跑自己冇得跑, 實在心癢癢.....
唯有慢行了5km, 當是舒展筋骨, 腳呀腳, 你快D 好返啦.....