但今日對我來說實在有些不順利, 先是揸車過屯車的表妹家, 遇上大塞車,
在屯門公路口, 完全轉唔到去碼頭嗰邊而被迫駛咗上屯門公路,
又因發現屯門同青山公路都塞到九彩回不了頭, 就決定駛返元朗......
點知出九龍方向原來係冇路口轉入大欖隧道的!!!! 這是什麼的公路設計?!?!??!
結果要過汀九去青衣再打個轉回頭, 然後發現已塞完車, 先又駛返去屯門!
20 分鐘的路, 揸了成個鐘, 真係想鬧人~
很趕的吃完飯, 就開始接新娘, 沒有請專業的攝影師, 但一眾親戚同兄弟姊妹團就是最好最用心的攝影~
斟茶儀式, 傳統簡單而感動
到波比爸爸飲茶時, 笑得開心過自己嫁女, 因為他很錫今天的新娘子~
之後我們負責去荃灣拎蛋糕, 我們在一間叫 Natural Chiffon 的訂蛋糕同 cupcake tower,
好老實講, 以後都唔會再幫襯,
係靚, 但味道講唔上好食 (雖然一向都知道 cupcake 絕對係好睇唔好食, 得個死甜),
最慘係個職員由訂餅到取餅都係黑口黑面好似你殺咗佢全家咁,
我係客仲要俾說話我聽, 話我哋話 3:30 去攞餅點知 4:30 先去, 嘩, 我未聽過俾晒錢訂餅一定要準時去攞囉, 遲咗係咪冇得攞先?
大至酒店小至屋邨小餅店都唔會咁啦, 真係好巴閉呀你?!
捧著五大袋嘢, 去搭車係好有難道,
去珀麗灣的 shuttle bus 成半個鐘先一班, 又好多人, 排隊時諗如果冇位坐都唔知點算.......
但感恩的就是有最後幾個位, 鬆一口氣~
這就是我們送給新人的禮物了~
有親戚就是住珀麗灣, 還養了三隻大狗狗, 也一同來參加, 好可愛!
這個場地實在不錯~
西式雅緻的裝修, 出面就是青馬橋景, 仲可以望住青馬橋嚟打牌, 實在是很特別~
簡簡單單的食個飯, 影吓相, 婚宴從來就應如此~
新娘一句:「很難再找到比你更好的一個」觸動心靈,
我們的另一半, 都雖然不是全世界最有錢最靚仔最有學識, 但就是對自己好得很難再找到更好,
大家都要時常記住對方的好, 珍惜對方的好, 兩個人除了過去的十年, 還有很多個十年要努力去維繫啊~ :)
-1.jpg)
.jpg)
沒有留言:
發佈留言