2014 了!

2013 最後一天, 同病魔博鬥,
早一晚已經覺得胃痛, 尋日一起身, 發燒, 腸胃痛又好想嘔.......
平時史都唔肯 sick leave 的我, 早上完全覺得真係好頂唔順, 即刻要打俾老細 sick leave

其實十萬個唔好意思, 因為呢排太多假期, 醫院每一天都好忙, 我 sick leave 了就加重同事的工作,
本想睇吓上午睇完醫生會唔會好啲再返工, 但真係好唔掂....... 痛到要彎住腰咁行返屋企......
唯有食藥再休息了.............

晚上只是好了少少, 冇咁想嘔, 但都唔係幾食得落嘢.....

兩天喪瞓了廿幾個鐘, 今日起身終於都好返好多了!
最可惜是本來約好晒山友零晨時份行上昂平睇日出, 但最後去唔到 T.T
只好在天文台網站睇晨光初現~



2013 好似轉眼間就過!!
這一年個人成長了, 對人處事都有不少得著,
跑了兩個半馬, 識了很多熱愛跑步的朋友~
工作辛苦但穩定, 常常可以煮吓飯, 已經好滿足~
最叻是揸車一年了, 冇扣過分, 安安全全, 仲去了兩次外地的自駕遊, 哈哈!

2014 開始要進軍全馬, 做好工作, 同埋衝出亞洲!

希望大家新一年也有個好開始, 日日開開心心, 身體健康最緊要!