[愛跑步] 高手

星期二, 第二次跟跑會練跑, 分了不同速度的小組, 跑個十公里

老老實實, 平時自己練真係唔會咁認真, 唔會跑咁快, 跑跑吓就抖陣飲吓水先!
點會均速同你衝 10k 先?! 但跟著人跑, 就是有呢個作用!

忘記了漫長的跑道, 目標很簡單: 就是跟著前面的那個人, 跟到就得!
開始明白, 點解次次比賽的時間總比我預期中快, 就是有人的鼓勵及推動~

高手就是高手, 在寧靜的跑道上, 大家也沒有腳步聲 (鬼!), 沒有呼吸聲, 很專注的跑,
過程中學習加密步頻, 修正姿態
有點海風, 有個好光好圓的月亮, 仲有好多好閃的小星星, 很好的環境~

回來了, 大概 55分跑了 10k, 黐線..... 練習怎可能咁快呀........
證明了小宇宙是要迫出來的~

今次跑之前, 食咗個麥當奴打底, 嘩, 原來差好遠!!
上星期好明顯係跑到血糖低, 所以又攰又眼瞓啦~ 今晚揸車仲精神奕奕, 哈~
渣馬仲有 33日, 大家又練習成點呀?