最後一朝在高雄, 晨咁早去買包食, 呢間叫興隆湯包, 幾十年老字號, 平民化又好味, 好多街坊捧場日日都排晒隊
這是燒蛋餅, 美味
這個好好食, 香香脆脆的芝麻酥夾著簡單的配料, 已是人間美食
最正係湯包
又大又軟又多湯汁, 漏喇漏喇~
BYEBYE 康橋商旅, 我們搭捷運去高鐵站, 之前上網訂了高鐵飛, 有 7 -9 折o架
第一次搭高鐵, 高鐵站好新好靚, 有D 似日本啊!
wow, 很像日本的新幹線!
超快, 個半鐘就由高雄去到台北了!!!
我們先去喜苑旅店放下行李, 就出發搵食~ 搭巴士去了上引水產, 係呢幾年好 hit 的台北食店!
佢 sell 的是日本直送海產, 明明是星期四閒日, 都人山人海!!
分三個 area, 一個是即點即製壽司區, 要等幾十個籌先到.......
另一個係燒烤區, 可以買海鮮去燒,
第三個是刺身區, 我們就在這裡開餐, 點了 NT1280 的 set
其實本來慳家老婆是計劃食壽司的, 不過見人哋D 刺身拼盤實在太正了, 所以先皇恩浩蕩, 御准波比先生食咁貴~
很新鮮的野菜沙律, 很開胃
拼盤來了, 嘩嘩嘩, 好豐富呀~~
份量好足, 樣樣都好新鮮超好味呀!!! Toro 是充滿油的, 蝦蟹又好鮮甜!
仲有 Belon 生蠔, 太正了嘛?!
有充足的工具幫手, 食蟹冇難度~
呢隻蟹, 好過份, D 膏多到呢~~ 食極都食唔完呀~~~~~~~~~~~~
攪到老婆去買了盤壽司, 有D 飯送吓中和吓先得!
呢餐真係好好好好得, 波比未食完已經話定要再嚟!!
如果想平一點, 佢有好多雪櫃賣生果, 盒裝壽司刺身, 質素都唔錯的
吃完這大滿足的一餐, 我們去了中區一帶, 打打書釘, 很悠閒的過了一個下午
然後波比懶犀利話要帶老婆去一間 cafe 喎, 點知行了一兩公里路, 去到見到間 cafe 好多人食煙, 唔係化..... 梗係冇入去啦
迷茫之際, 行行行竟然行到去東區粉圓, 係一間好出名的粉圓店, 係一種我超愛的台灣食物
其實就是糯米糰加入芋頭或蕃薯搓, 一粒粒的甜品,
夏天連冰食, 好正o架!!
還有很多很多紅豆, 啱晒我呀~
行去微風廣場途中, 竟然遇上寶藏, 見到呢間蜜蜂咖啡店,
有好多不同品種的咖啡豆同沖咖啡用品賣, 波比先生開心死了!!
我們大出血, 買了很多很多呢!
拎住好多好多 kg 的收穫行返酒店, 攰得半死了, 上到酒店的房間, 唔錯喎~
呢間都係上星期改行程先 book , 在台北車站前, 地點方便, 房間浴室都比住開的新驛大, 其實真不錯!!
我們瞓咗幾個鐘先再出發
本來今晚去夜市, 但係太攰唔想去迫, 喺樓下搵食就算~
行過三條街就有呢間旅遊書介紹的阿泉麵線
又係炸臭豆腐, 很脆很脆呀~~~~~
麵線 very good!!好多腸添!
仲買了繼光香香雞同埋老蔡水煎包
多料多汁, 又平又美味~
台灣遊記 2012 之高雄墾丁台北
[高雄遊記2] 金礦咖啡、自助新村、瑞豐夜市
[高雄酒店推介] 康橋商旅六合夜市中正館
[高雄遊記] 壽山動物園 x 港園牛肉麵
[墾丁遊記] 恆春、港口吊橋、龍磐公園、台灣最南點 x 包車導遊推介
[墾丁遊記] 海岸飯店 - 墾丁大街夜市
[墾丁遊記] 鵝鑾鼻
[墾丁遊記] 墾丁森林遊樂區 x 放牛牛
[墾丁遊記] 阿興生魚片 x 貓鼻頭
[墾丁遊記] 月光咖啡 x 煙花 light painting
[墾丁高雄遊記] 海生館。東港華僑市場
[高雄遊記] 咖啡林咖啡。夢時代。花月嵐拉麵
[高雄遊記] 第五天打風日
[台北遊記] 超正上引水產 x 台北美食
[台北遊記] 花博會場 x GaBee 冠軍咖啡 x 輔大花園夜市
[台北遊記] 最後一天的動物園及貓空纜車
.jpg)
沒有留言:
發佈留言