因為在我們這裡, 實在有理說不清, 上層不理解我們有很多難處,
我們想為病人提供好的服務, 但上層就只理會我們交得夠唔夠數, 一日睇幾多個症, 點解睇得少過其他醫院,
不斷的壓力, 不斷的要你做這做那, 中層的擔子很重, 實在不好做,
在私營市場, 無疑 flexibility 大了很多, 希望同事能提供非常優質的服務, 不致於有些呃病人錢亂睇症的同行肆無忌憚!!!
Farewell dinner 後, 再去了吃甜品, 回家又吃水果, 老公還買了 black n white 的超好味古力蛋糕俾我, 忍唔住又食埋
後果是...... 尋晚至今朝都腸胃唔舒服, 好像食滯了.......... 仲間歇性肚痛.........
今朝晨咁早醒咗, 好唔開心呀, 我真係好想瞓晏D, 但一六點幾就醒.....
不過見到彩虹, 心情好返點
於是決定一個人去跑步, 想出一身汗, 幫助新陳代謝
我不知幾乖呀, 跑咗 7km , 見到好多晨運的老人家, 覺得自己也很老人家.....
之後去買埋早餐俾波比先生食, 好耐冇食過的炒麵, 仲有難得的豬膶腸粉
之後就去參加拉花班, 又係團購的, 已經係第二次上拉花班了, 覺得今次教得仲好過上次添,
因為有好多機會實習呀!!
先沖 espresso
用洗潔精練打奶泡, 今次又學會了新的技巧
用水就練了好多次拉花的手勢, 今次學的係將杯放喺枱上嚟拉, 我覺得比拎住隻杯拉容易掌握
我的兩個製成品呀!
波比似乎仍需努力!
之後去牛陣食放題, 覺得都幾抵,
一個普通牛 $58, 一個上級牛 $78, 碟上級牛真係好好食啊!
菜丸麵任食, 有 Dreyer's 雪糕任食, 限時一個鐘, 食到飽飽先走, 好滿足呀~
沒有留言:
發佈留言