[愛行山] 麥徑一二段。香港的世外桃源

尋晚，老婆又敗家，
話說上次行山跌親個 pat pat, 痛咗足足兩星期，仲差Ｄ要去照 x-ray，
最神奇係上星期去澳門行完山之後，又忽然間好返。。。
但為了安全，同埋我實在好怕落斜，呢排都睇緊Ｄ行山杖

行山杖呢由幾十蚊至幾百蚊都有，點分呢？都係尋晚去到好專業的 The Overlander 旺角店先有人介紹到～
除了輕重、物料，原來仲有大細手柄，有Ｄ係專俾女仔用，細Ｄ，
仲有係咪避震，拎住兩支一齊督，有避震嗰支真係會有回彈力，
三百幾蚊其實好貴。。。不過惡魔波比先生又加句：買咗有排用，係買就買好Ｄ
唉，所以又敗家了
第一次上 Overlander, 嘩，真係好 pro，超多款超齊全的行山野外活動用品～
我仲請教咗店員我個背囊的隱藏功能，原來有舊橙色嘢係哨子，真係唔講唔知囉，
仲有教我點樣勾支行山杖上個背囊度，服務真係 very good 呀！



講返今日, 我們又跟大隊去行麥徑, 不過真係搭好耐車呀......
個幾鐘由元朗去西貢, 再喺西貢搭 94 去北潭涌, 仲原來冇加班車, 趕住咁食完個早餐竟然要等 20分鐘......

麥徑第一段好好行, 大部分都係石屎路, 沿途就是萬宜水庫的景色
今日又有點秋風, 開始時行得非常舒服



南風灣



右邊的是破邊洲, 好似中間俾人斬開咗咁



開始上山了...... 大家又行得好鬼快, 追到我死死吓.....



行到第二段, 要上到三百多米, 後期的落斜, 大家真係走得超快, 應該係話斜到唔快唔得



完成了 13km 就去到海邊, 有嘢食喇!!



今次經過了好多好靚的海灘, 係靚到我從來未喺香港見過的,
D 沙好白好幼啦, D 海水清到見底啦, 好多人坐遊艇來玩, 滑浪的風帆的都有~
如果唔係行山, 我又唔會無啦啦坐船嚟(需知我勁怕搭船), 真係可以呢世都見唔到咁靚的風景~
這裡很多外國人, 他們都很識得享受啊!!



好了好了, 萬眾期待的豆花來了! 超滑超好味~



哈哈哈, 我們共食了21碗, 好勁呀!!!



再努力上路了!



咁藍嘅海, 真係好正呀!
落到海灘, 見到三點式鬼妹喺沙灘度跑囉, 哎唷, 有個愛攝影的團友冇嚟真係嘥晒喇~



今日其實比我預期中行得耐, 我以為兩三點行得完去西貢食飯, 點知行到四點呀!!!
攰死我了.......



我們 byebye 了團友, 佢哋仲行埋第三段呀, 好 crazy 呀!!
我哋就去西貢食嘢咯!! 翻兜上次同同事食的旺泰特食, 佢今年攞咗米芝蓮二星呀!!
生蝦刺身正, 不過 $75 都幾貴~



雞飯好大碟, 油飯麻麻, 不過雞就又滑又正呀~



半打串燒, 醃得好足, 好好味!!



波比先生想買佢最愛的菠蘿包, 點知賣晒...... 唯有買件大 pizza 安慰自己, 都整得超好食喎!



歸家搭 van 仔, 點知塞車, 成個鐘先去到旺角, 慘......
八點鐘先返到屋企, 攰死, 沖涼瞓了~