戴住波比買俾我的手錶真係幾好呀, 好方便睇到跑速, 所以今次時間控制好過上兩次,
可以 keep 到 7 - 7分半一公里, 全程都唔會氣來氣喘, 跑得算舒服!
去到碼頭, 呢度海旁整過真係靚咗好多, 想起以前同中學同學小 V 跑步的日子,
以前跑呢段路, 總覺得很遠很長, 而家跑呢, 竟然覺得好短, 證明了當年我是多麼的弱雞....
今日戴了新買的帽來跑, 發覺原來戴帽跑真係好好,
原來遮到頭同頸真係好好多, 一來冇咁易曬黑, 二來個頭頸冇咁熱, 成個人冇咁辛苦,
今日其實超曬同熱呢, 但我反而覺得比上次跑輕鬆啊,
仲有頂帽可以幫手吸汗, 唔洗抹得咁密,
又 cool 住D 頭髮, 唔洗變癲婆, 真係 very good 呀!!
去到碼頭, 我們先去聯邦酒樓拎咗張飛, 諗住跑多一個鐘返嚟就差唔多啦,
點知中伏...... 點解今日叫飛快過上次三倍嘅??
上次一個鐘叫廿幾張, 今次一個鐘叫了六十幾張........
波比先生發脾氣囉, 跑完步冇嘢食.........
唯有又由頭等過, 攪到成十二點幾先有得食, 可能又飲得太多水 (兩個人飲了五支水), 叫咗D 點心罕有地食唔晒好多要打包..........
趕返屋企, 沖個涼又出去, 約了探小 V 的孖B 呀!
一個有 BB 的家庭, 真係好幸福呢~ 雖然犧牲了兩個人的娛樂, 但我都好相信見到 BB 唔洗出街都好心甜~
本來仲有 event 係去探大學同學的 BB 同波比同學的 BB, 但我好攰了, 兩度都冇去喇~
老婆返到元朗, 仲有好多嘢做, 一個人買了十幾磅食物返屋企囉........... 拎到我死死吓..........
這兩天反國民教育鬧得熱哄哄, 其實我很欣賞佩服那些站出來的孩子, 和冒雨到場支持的人,
可惜尋晚約好了要吃家庭飯, 不能去晚會支持一下,
如果我有個仔, 佢被洗腦, 返嚟問我: 「媽咪點解妳見到升旗都唔敬禮呀?」, 我會一萬個無奈!!!
即使事在必行, 政府無意收回, 明天我們可做的, 是穿件黑衣, 默默表示不滿,
而家長唯有把關, 學校怎麼教我們管不到, 但回家自己留意要再教孩子分辨是非黑白,
否則這會是一個完全倒退的香港, 很可悲............
沒有留言:
發佈留言