[愛住家菜] 羔蟹奄仔蟹蒸糯米飯

今日放一日大假, 因為整個八九月都冇公眾假啊, 係時候要抖抖~

呢排見街市 D 蟹好多好靚, 今日見有時間就整個蒸蟹糯米飯
買了一隻羔蟹, 較大隻, 肉多, D 羔呈橙色較實, 不過真係超超超多!!
另一隻係奄仔蟹, 細隻但D 羔非常 creamy!!! 我初時見佢D 羔咁黃仲以為唔好食添, 真係唔識貨呀~~



呢個橫切面, 係咪好震撼呢?



今日仲做咗好多嘢呀, 執屋啦, 負離子啦, 去銀行啦, 同埋打咗一日電話........
話說之前睇咗集食尚玩家北海道雪祭篇, 嘩, 不得了, 中咗毒, 仲中得好深, 日思夜想要去.......
北海道的唔同地區都有唔同的雪祭, 剛 check 好晒由 5/2 至 8/2 開始在不同地區舉行,
又見到 forum 有人話上個月已經 book 唔到心水日子, 機位好 full 咁......
於是我問准過波比先生後, 就落實去 book 了!

我用了半日的時間, 比較過不同 airline 的價錢, 考慮轉唔轉機好, 最後都係唔好轉喇,
二月頭已經好貴, 仲要冇機位...... 要直航淨機票都七千幾 >.<
唯有轉睇 package 啦, 暫時只可直接同國泰先 book 到二月的 package, 點知佢個 website 有 error, 入晒嘢但係book 唔到.......

唯有今日打去佢個 hotline 啦, 點知我由 9am 打到 5pm 都冇人接,
最長的電話響了五十幾分鐘都係冇人接.......真係難打過訂演唱會飛囉......
打到五點幾, 其實都諗住唔會打到, 點知, 5點半時終於都有人接喇, 嘩, 簡直覺得自己好似中咗六合彩咁囉~~
好彩佢話仲有機位, 但係溫泉酒店就要等覆, 唉, 都算係仲有D 希望~~ 希望真係 book 得成啦~