屋企邊爐 x 自家製薑餅人

老公今日 Home Office, 佢負責買嘢打邊爐,
真係睇少眼都唔得, 無監管之下, 有人買了澳洲牛同黑豚, 仲話驚唔夠食買埋蒙古羊..........



今次用了濃湯寶, 加入辣椒干同埋川椒粒, 還有少少四川麻辣醬, 成了呢個麻辣火鍋,
冇出街食的咁一層油, 但都有刺激的辣味, 正呀~ 兩個人食晒成盒響鈴咁滯!



食完飯開工, 整薑餅人, 仲記得2002 年同波比過第一個聖誕節, 就是送他薑餅人了~
但咁多年都冇再整過~



焗完肥o都o都~



點上朱古力~



再準備唧花用的 icing sugar, 原來用保鮮袋唧花都幾好啊!
用斑蘭油同埋士多啤梨糖漿, 調成紅色同埋綠色



呢批薑餅人係聽日開 Xmas Party 時送俾同事的, 每個都有佢哋英文名的 initial
本想再畫D 花, 但好似唔多夠位, 都係以簡潔為主~



入埋袋, 完成了, 超開心呀~~~~



波比先生都有幫手打蛋的, 所以送兩舊俾佢玩, 佢畫的薑餅人............ 係泳裝定係底衫呢?
一見到我就好想笑~