十二月的開心事

我呢度似乎開始變成週記了........ 因為工作很很很忙, 老細放假我又要做 deputizing i/c...........
冇一日準時放工..........

不過十二月總是令人開心的,
星期一同好朋友加波比先生去小肥羊打邊邊, 係今年第一邊!
不過, 而家的食物差了很多, 湯底也差了很多, 談不上有一點的麻辣味, 實在很難再幫襯!

尋晚是腳傷後第一日跑返, 點知........... 完全不在狀態..........
估唔到停了只是二十日, 影響會那麼大,
又跑得慢, 又好快就喘晒氣, 之前是跑到 4-5km 先要第一次停吓抖抖, 尋日跑唔到 1km 就氣喘心跳, 真嚇人..........
我要努力 train up 返喇, 下個月要跑 11km 的比賽呢!

今日很開心, 是波比的好朋友結婚大日子, 看到別人開花結果, 總是令人感動,
波比同肥仔今晚做 MC, 全場氣氛超好, 很多爆笑位, 波比一班同學的歌曲演出更是一絕~
我拿了肥仔的 5D MarkII 影相, 一路影都忍唔住一路大笑~
Four Seasons 的服務真係超超超好, 仲好過 Grand Hyatt, 食物亦是超水準呀, 由第一道菜好食到甜品, 實在超超超讚~
希望新婚 couple 幸福快樂~