生蠔我就鍾意, 熟的蠔我反而覺得好腥, 食兩啖就會好想反胃......
本來今晚有人話唔返來食飯的, 點知又忽然間返喎, 冇咩準備之下, 不如炸嘢喇,
因為尋日炸完春卷有一大鑊油剩~
咁講講吓, 就決定咗整酥炸桶蠔啦!
先去街市買一桶蠔, 呢款有密封的蓋, 感覺上好似可靠D~
準備好大陣象的炸物材料 (要洗嗰吓真係幾痛苦, 所以冇幾何炸嘢就咁解)
D 蠔勁勁勁大隻, 有我個飯盒咁長 (驚訝!)
話咁快炸好了, 特地買了吸油廚房紙, 因為真係好油呀, 吸咗我成半鑊油 (汗!)
手掌咁大的, 好巨呀~~~~
我只可以食兩隻細的, 食完一隻, 已有反胃的感覺 (=.=!) 真係好鬼滯!!!
見到波比先生夾起最大嗰隻, 真係大到嚇親人!
希望我倆聽日唔會肚痾啦, 哈哈!
沒有留言:
發佈留言