起點在大尾篤
行了一小段上山o者, 已氣喘又心跳加速, 身子太弱了吧!
已考完試, 係時候做返多D 運動喇!
到了半山處, 眺望馬鞍山一帶的景色, 覺得辛苦也值得!
有同行人士帶了一隻小狗來, 小狗好犀利啊, 行畢 10km 的山路!
一層層的山景, 太美了, 今日天氣好好, 一路行熱到不停的狂滴汗(*o*!)
很森林的感覺!
我們只帶了一支 800ml 的水, 行了 5km 已飲完, 後尾的 5km, 乾蒸, 想暈!!
太美好的藍天, 白雲~
終於都落山了 (歡呼!)
望到深圳的景色
下山後見到士多, 飲了一罐超冰凍的 Coke Zero, 好味得畢生難忘!
等齊人去了茶座食嘢, 食物太普通, 仲不停漏單.....
好彩我哋仲有下場, 自從離開了上一個工作的地方, 已三四年冇食過彩虹甜品了!
今日特地到訪, 見到這個「愛心甜品」, 開心晒!
入面係冰凍椰青水加西米, 好清甜解渴,
面頭有三粒雪米糍, 太合襯的配搭~
還有心形的果凍, 想當年, 波比有時要返深圳做嘢,
試過有一次在上水特地買了這個甜品, 用冰凍住趕返元朗請我食, 真係服咗佢o架~
玩完大半日, 散晒........... 日文班都偷懶冇上添...........
沒有留言:
發佈留言