教授真係一個超超超超級好的醫生, 平時D 醫生5 分鐘就睇完一個症, 望都唔望多病人一眼,
只在不停的按電腦鍵盤, 開藥單, 開抽血紙,
但教授睇每一個症都用好多時間, 好耐心咁停病人講, 俾病人問到清楚佢想知的問題,
所以到政府睇醫生, 真係好撞彩, 睇吓你遇唔遇到良醫
不過 HA 成日都話交數交數, 睇得耐等如一日睇得好少症,
又唔夠醫生, 攪到條隊好長, 好耐先見到病人一次,
教授想約病人下次覆診期, 頭痛的望著時間表, 自己最快的期已去到23 週後 (半年.....),
好苦惱的望完又望, 我們有限的時間, 有時真係好想睇D 病人, 但真係迫都迫唔到多一個期俾佢哋....
我 D case , 而家睇完, 最快都約到 6 月了...........
人口增加, 人口老化, 大陸新移民, 政府又冇多撥資源,
令到醫管局的服務真的好難維持, 而且只可重量, 唔好對質素有太多要求了~
*******************************************************************
我成個月都搭唔到早車返屋企, 因為太多嘢做了,
今日 practicum 完終於可以早返到元朗, 開開心心去街市入貨,
雪櫃要塞得滿滿的, 才有安全感!
話說我好鍾意食芝士焗龍蝦的芝士汁, 但從來唔見坊間有得賣,
終於上網睇睇, 原來好易整, 今日終於都有機會試試了!!!!
用了一盒牛奶, 3-4 塊車打芝士, 一齊煮溶後, 再加適量的麵粉水令佢變得杰身,
咁就得o架喇!!
哈哈, 係咪睇相都 feel 到嗰種濃郁法呢?
配魚柳意粉, 簡單、健康高鈣、好味道, 妳都試吓啦!
今晚仲有金菇牛肉卷, 哈, 我有個信念就係所有食物食咗落肚都係一樣會被分解嘅o者,
太花巧的工序, 落到個肚都係冇分別,
所以金菇 + 牛肉, 長久以來都係加個汁一齊煮就算~
不過今日心血來潮, 同埋重點係有時間, 就可以造D 手工菜色,
卷呀卷, 金菇牛肉卷似乎是有化學作用, 拼埋一齊時, 真的會特別好味~
沒有留言:
發佈留言