會唔會肥呢??

今日返大學考咗個 IT test, 係 Master Course 畢業的要求之一,
自問平時電腦知識都算唔錯, 但我都覺得好深, 尤其是考 theory 的部分,
又要考埋有關電腦罪行的法例, 點識呀.......
唉, 真係有D 擔心會肥囉!

好了, 考完就唔好諗喇! 開開心心同波比先生去 King Ludwig Beerhall 食 Tea buffet!
因為今個星期開始, 我已經唔洗上 Master Course 的堂喇 (遲D 先仲有幾堂),
星期六又自由身喇, 太開心, 唔去食個 tea 真係對唔住自己!

三個月內食第二次, 因為真係好正, 豬手又食咗兩件!



大部分食品都同上次一樣, 今次食返上次 miss 咗的即烘芝士麵包,
D 芝士香到成間餐廳都聞到, 真係好勁!
因為太香, 波比先生食咗四件啊~~



雪糕配 pancake, 簡單但超滿足~



去旺角行咗一陣, 嘩, 迫人得太恐怖了, 成街都係大陸人,
想去花園街睇運動用品, 迫到根本好多舖頭都入唔到.............
睇嚟新年前冇咩都係唔好出旺角為妙喇!