咳到醒

唉..... 成廿幾年都冇試過瞓瞓吓咳到醒了,
半夜又要爬起身食藥, 冇覺好瞓.....

日頭都仲係間歇性咳咳咳, 如果出街肯定嚇親人!
(不過大家唔好誤會, 我唔係 H1N1, 不過因為兩種病一齊, 一定要休息否則好難好)

呢兩日開始有點涼意, 應該啦, 快中秋了~

久違了的藍天白雲啊, I love it!






一個人在家, 開收音機陪著有D 聲冇咁悶~
聽到任總的訪問, 學生問佢退休後有咩做有冇嘢想學,
佢答:「我諗我要學吓 hea , 因為真係做咁多年嘢都未 hea 過」
全場掌聲~

哈哈, 一樣或者全香港人都識嘅嘢, 原來佢唔識仲要去學, 真係奢侈得令人羨慕~

好多時工作辛苦總會呻兩句「快D 退休就好」,
但係又知道退休後的生活可能是多麼枯燥乏味,
辛勞的工作中偶爾放一天假是好事, 會令人期待及珍惜,
但退休後根本天天都是假期, 你就未必會以這假期為樂~

人總是矛盾的, 我看來也是永遠停不下來的一種人~