十二月之星生日會

今日有個很開心的活動, 就是探訪 Twins 小朋友
波比先生, 我, 同埋小朋友都係十二月頭生日, 哈哈, 份外啱 key!

今天焗了一個朱古力香蕉蛋糕去, 我的小蛋糕模話係防黏但實在唔防, 恐怕整完成個蛋糕脫唔到模.....
於是用了焗爐焗麵包的大圓盤, 哈哈...... 焗了又大又扁的蛋糕~

我買了藍莓, 聰明豆同埋棉花糖, 俾小朋友自己放上去做裝飾
還砌了個「2」字, 因為小朋友兩歲了~
嗯, 兩年前第一次見面還是在 NICU 的箱仔入面, 而家識行識走識玩識講好多嘢,
有一對健康的小朋友, 真係要好感恩呀~



今日個蛋糕呢, 其實都打得起D 蛋白霜, 但唔知點解又唔係好焗得起, anyway, 希望你哋鍾意



亦都恭喜一對小朋友有 K.1 收了, 其實返幼稚園開開心心近近地咪好囉~
我返工時, 日日都見到D 住元朗/荃灣/美孚的家長帶住個幾歲大的小朋友搭車去九龍塘返學,
其實咁辛苦為乜呢?