[愛烘焙] 南瓜芝士包 x 朱古力菠蘿包

本星期終於都的起心肝整返麵包, 我平時唔整就會買嘉頓方包, 但近來真係愈來愈難食, 唔知點解好乾硬.......

去日本時買了 1kg 日清高筋粉, 其實我知而家 759 都有得賣, 但係在日本買真係仲平D, 所以先買了一包返嚟
我今次用了 Carol 的食譜, 不過可能南瓜真係較濕, 出來的麵糰有點瀉,
整了幾個豆沙包, 扁撻撻.....
唯有唔包餡試埋整個焗, 效果才好一點, 焗起有陣陣的南瓜香, 健康之選~
不過呢, 我真係食唔出貴幾倍的日清麵粉, 同我用開的普通麵粉有咩分別囉.......
啲人大讚好食, 都是羊群效應心理作用嗎?



今日見星期六冇去街, 就決心整次手搓的湯種麵包
嘻嘻, 第一次整朱古力味的菠蘿皮, 焗起時香都爆, 成層樓都聞到呀!!!
菠蘿包有豆沙餡同埋榛子吉士餡添呀~ 聽日跑步前吃個, 應該會充滿能量!!!



一塊大麵糰, 做了個吉士燕麥卷, 夠吃幾日了~