今日見天氣都唔差, 決心去走走~
第一次行港島的山, 在中環搭城巴 6 號, 到黃泥涌水塘公園落車, 由水塘的堤壩起步, 遠眺港島的景色~
入山路, 就是不斷的上樓梯, 見不到頂的樓梯
一路上, 好多飛蟲 :$ 好多花, 好多雀仔叫, 又好多大蜜蜂!!!
仲有超多蜘蛛!!!
上到紫羅蘭山的山頂了, 噢, 我們已進入雲霧中!
落山嗰吓, 其實有點恐怖, 超高又直落, 差錯腳會碌落山, 唔敢望~
再向淺水灣坳方向行
遠望大潭水塘
見到一個老師, 帶住一班小朋友行山, 嘩, 相信小朋友行到跟住嗰段一定想史......
落埋呢個山頭, 見到淺水灣了~
過了一條小橋, 向赤柱峽道方向行
跟住係超級艱辛之旅, 上了二百幾米高的天梯已經係攞命,
最慘係落嗰吓, 因為落完雨, 變晒泥地超跣, 連有D 行開呢個山的外國人都話今日勁跣
我都還 ok , 傷了膝的波比先生就舉步為艱, 佢對鞋今日可能因為食晒D 泥, 攪到更加跣,
落大石同泥地的部分落咗好耐呀!!!
最後, 終於到去返D 鋪好的梯級路, 先行得安心返!
過了孖崗山, 見到舂坎角同赤柱的景色, 好靚呀!!!
影到藍天白雲的相, 還了一個心願,
這幾個月都是落雨, 實在好難有咁嘅好天氣~
用了 2.5hr , 走畢這 6.5km 的路~
搭巴士去赤柱開餐, 肚餓得咕咕聲了!
可惜想去的餐廳太多人, 去了這間叫 Quick and Fresh Wellness Cafe,
但我想話, D 嘢得個樣, 好難食......
食完行行, 見到車展, cool!
見到好多小朋友同小狗, 大家也放假放得好開心啊!
此行另一目的, 就係去波比想去好耐的一間 cafe
the cupping room 在赤柱廣場二樓, 去到時剛好有近窗的最後一張枱, 多幸運!
咖啡絕對是水準之作, 原來呢度都有三文治, 早知頭先唔洗兩舊水去食垃圾啦!
波比點了這杯盧旺達咖啡, 非常重的果味, 甜甜的, 非常讚~
是日出城完滿結束, 赤柱做終點的行程真係唔錯, 在山上遇到好多外國人, 都係行完就嚟海邊食個飯飲啤酒
有機會要約埋朋友再嚟呀~
沒有留言:
發佈留言