[愛住家菜] 終於有飯開

這幾星期都好少煮飯, 我只知道我返大醫院的日子, 日日都遲放工 >.<
無奈地吃了好多餐街外食物.....

返小醫院的日子相對好過, 有一晚一個人食飯, 放工時在 Canteen 買了個飯盒回家,
這個 canteen 真是聯網內最好的 canteen, 食物少油, 唔會過鹹, 清清淡淡好啱我心意,
$28 兩餸仲送糖水, 街外找不到更好~

今天難得沒有太多症, 準時收工可以買餸煮飯了!
Plan 了幾星期想整豉椒炒蜆, 不過蜆細隻, 見波比先生又話想食蟶子, 就買了斤半返來
其實食海鮮真係自己煮好呀, 呢D 蟶子淨係洗就洗咗我好耐, 要逐隻逐隻洗清晒D 內臟同腸,
喺街食的, 邊有人咁好心機咁洗法? 咁你食咗咩落肚就可想而知了!!

加了紅椒同青尖椒, 很惹味, 一大盆波比食到唔識停!
還有黑椒牛肉炒西蘭花甘荀, 同埋又係波比主理的皮蛋豆腐, 很開心的二人餐~