[愛跑步] New Balance 黃金海岸 15k

波比先生第一次參加 New Balance 的 15k 比賽, 唔該晒鄰居跑友今日又車埋我哋去!
但好早呀, 6:45am 就上車, 7:10am 就去到汀九橋下的集合點, 因為遲就冇位泊車呢~

因為太趕出門口, 攪到水同食物都唔記得帶, 我見時間又太早了 (9am 先起跑), 就一個人慢跑去深井買水~
有車真好, 未起跑就喺車上 hea~ 差不多時間先捐出嚟!
呢個比賽, 真係俾個名呃晒, 我一路都以為係跑黃金海岸一帶的青山公路, 點知唔係!!!
係跑上汀九山上的一段緩跑徑, 個地圖真係睇咗等如冇睇, 咁就出事.....



比賽開始前, 見到天下無敵的紀嘉文帶住小狗熱身, 隻狗仔好可愛!



9am 起跑了, 點解阿二號選手跳 GangNam Style? 因為起跑音樂係 GangNam Style 囉, 哈哈哈!



1500 人, 勁多人, 影極都未影完!



大家都出發了, 我就跟隊尾上山, 諗住搵個好位幫老公影相
我絕對慶幸我冇報命, 一開始就係呢條長命斜..... 恐怖!!!



大家都係行算喇.....



行完上斜, 都差不多一公里.....



原來呢條路線睇汀九青馬雙橋景好正o架!!



這條緩跑徑沿路風景都好好! 原來可以一路行到去荃錦公路, 再去返石崗! 下次要試吓!



再望遠D, 好正呀!



不知不覺, 已經去到 3km



竟然見到紀嘉文已經回程緊.......



其他勁人都回程中!!



唉, 不過老婆今次就失職喇, 企喺 4km 嗰頭幫人影咗好多相, 但係波比過得太快, 我開晒連拍都影唔到佢 >.<
反而幫鄰居影咗好多張..........
跟住我就唔識預時間返終點, 仲一路影影影..............
隻手錶又用嚟計緊跑距, 唔知時間, 攪到遲咗返終點, 波比仲打電話問我喺邊..........

最後, 唯有喺終點同波比同鄰居補返幾張~
波比今日 1hr11min 跑完了! 也唔錯~
仲有兩星期, 就是神戶 1/4 馬喇! 愈來愈緊張!