[愛跑步] 破紀錄之 Asics 10km 2012

睇咗 asics 10km 比賽兩年，今年終於都自己有份落場跑了。
除了渣馬之外，呢個都算係大型的香港賽事，有成五千幾人參加
今日鄰居有 friend 車埋我哋一齊去，正!

去到熱身冇耐，就到起跑區等候了，因為人實在很多，很熱鬧喎!
8 點鐘起跑, 一開始就是落斜，大家速度也快，所以沒有太塞人的情況

今日穿了新跑鞋，用了新跑法，速度真的快了!!!
不過過了兩公里，有些小橫隔膜痛，就知道要放慢速度
一路跟著大家努力跑呀跑，也 keep 到不是太喘氣，
但水站實在太少了，只有兩個，好彩我自己帶住支水跑，否則一定渴死了!
一路都 keep 到很隱定的速度，快得有點難以置信

上埋斜，到終點了，波比都話估唔到我咁快返到，佢一拎完嘢上到終點就見到我，好彩都幫我影到衝線相呀!



最後，我以56分5秒完成了今日的賽事，係超水準破記錄呀!!!
因為我之前跑全平路的最佳紀錄，都要成 59分50秒，完全冇諗過可以快成三分鐘咁多，仲要係有不停上落斜的路喎，所以真係好開心!!!

波比都快咗呀，41分54秒呀!



波比好得戚咁話我快咗係全靠佢叫我買對新鞋，哈， 我就話係我呢排練習有功咋

之後就梗係去食個靚 lunch 慶祝，去了 weekend 飯堂 Al Dente
好好味的西冷同羊柳呀



仲有去買鞋，因為今日拎住張號碼布去買 asics 有七折，好抵，
波比等今日等咗好耐喇，一買就買咗兩對，
一對練習用，是 Kayano 19, 另一對就係比賽用的 Tarther



再順便去買埋去日本的禦寒衣物同手套，今日收穫真係好豐富呢!
我的下個比賽就是神戶的10.6km 了，大概只得十度的氣溫，要好好準備喇

四點零, 有人又話肚餓, 去了食 KFC 下午茶, 佢真係好似生積, 成日都嗌肚餓



夜晚同波比大學同學慶生, 去了稻香, 呢兩次去的經驗都超差, 叫乜冇乜, D 侍應嗌佢都扮聽唔到,
D 嘢仲要有點難食, 真係講我都唔會再去!