[愛美食] 一田咖啡節

又到星期五, 倒數兩星期喇!
呢幾日努力地 finalized 行程同埋買保險呀, book Pocket Wifi 呀等等, 忙忙忙~

波比話一田有個咖啡節, 夜晚就去咗睇睇順便食飯
估唔到而家一田都有 Izumi Curry 呀!!! 咖哩汁同蛋都係咁正, 不過塊豬扒就有少少柴皮...



大阪燒好味道!



今日有D 好特別好少見的咖啡賣, 我們買了呢款巴拿馬咖啡, 是一款贏了很多比賽的咖啡豆, 幸運地已經是最後一包~
回家後有人急不及待即刻沖嚟飲, 真係好正, 好濃的果香, 不過會有點酸~



見到貓屎咖啡, 四百幾蚊兩杯, 真係極品!



行埋超級市場, 見到呢款蕉! 哈哈, 上年喺日本跑馬拉松都見過, 係「高地栽培」的超甜蕉,
日本賣成 300 yen (=HKD30) 先一兩隻, 當時我仲話洗唔洗咁貴呀!?!
但比賽完真係派呢款蕉, 我想話真係好好食! 連蕉都好食過人, 就是我咁鍾意去日本的原因~
我決定下星期的毅行者會買幾包請朋友食~
係啊, 我會去做 support team , 用我的專長整嘢食去出一分力~
都想陪行, 但實在驚拖慢大家的進度.......
仲猶豫緊星期六好冇去上堂, 如果唔上堂就可以喺終點迎接朋友, 嗰一刻應該好開心~