雪藏牌忽然出沒

我哋架車就嚟有得攞喇, plan 好咗今個月去補吓鐘, 但真係一肚氣....

話說買完車已經即刻睇吓D 補鐘師傅, 因為之前已經上過駕駛學院的金牌路路通, 今次想搵街師傅補
打咗去 A 師傅, 臭寸到爆, 好似好睇唔起我哋呢D 之前喺駕駛學院考到牌的人, 所以唔搵佢
打去問 B 師傅, 佢話我 11月學唔洗咁早 BOOK, 叫我十月尾先再打去, 點知我上兩星期打去佢, 佢夠膽死話 11月已經好 FULL 冇晒位, 真係好 !$^)!$^@)$%@(%! 佢! 完全俾佢老點
於是徬徨地再上網搵, 喺 HA 的 Intranet msg board 見到有 C 師傅的 ad., 打去問, 佢話過兩日覆我, 點知又係冇尾飛陀, 冇覆過!
再搵 D 師傅, 是一間似乎都有D 口碑的公司的師傅, 點知佢都係話 11月的期好 full 至多俾佢 partner 做~

最後, 約到這個partner 的 E 師傅, 不過都要下星期尾有位

然後, 又好 ad hoc 咁約咗個 F 師傅, 佢係一個六七十歲的伯伯, 教車四十多年, 好似好得!
我都其實 call 過佢兩次, 次次話覆又冇覆..... 今日係波比得閒日頭打俾佢同佢傾, 先至約到今晚學!
冇錯, 係好突然咁今晚學!!!

我個雪咗 4 年的牌突然出動, 都真係好緊張又擔心,
一見面, 就已經叫我坐司機位開車, 真係嚇死我, 我都係喺出門口前剛剛惡補過D 基本嘢,
老老實實, 扭軚望鏡嗰D 真係完完全全唔記得!!
阿伯伯都真係有D 料到, 教到D 有用的技巧,
雖然今日都俾佢鬧咗幾鑊, 但我都真心覺得會鬧人的師傅先真係教到嘢,
hea 的師傅好多時明知你錯你做得唔夠好都唔話你, 真係冇乜用~
希望喺去旅行前可以學多幾堂, 真係快D  pick up 返啦!