不過一起身就知大鑊, 因為我病了, 尋日開始都喉嚨痛, 今日更加鼻塞流鼻水,
其實我尋日開始已經食藥, 不過醫院嘅藥真係好廢,一D 用都冇,
今日就食咗兩次樂信感冒靈, 而且斷斷續續的瞓呀瞓 (係呀, 日頭時真係病到有D 辛苦....)
到下午起身, 鼻塞流鼻水都改善了, 係得返喉嚨痛囉~
我們出發去科學園, 一出大學站已經見到好好好多人, 去到起跑點更加係好熱鬧!
Nike 真係受年青人愛戴, 平時的跑步比賽, 平均年齡都是 30+, 今日卻是 20+ 多, 一片青春的氣息!
通常參賽者都是愛穿 Asics 或 Mizuno 的跑鞋, 今日就真係好多人著 Nike~
如上年一樣, 一切的安排都好令人滿意, 今年同樣有 Yogurt 食呀!
今年件 tee 係白色, 我鍾意上年件黑色多D 囉~ 透到黐線o架, 入面著乜都完全睇到, 藉此又呃人買佢的 sport bra.......
寄行李好快手, 讚呀!!
寄完晒嘢都係 6:45pm, 輕輕跑順條氣~
又有 Trainer 帶做 dynamic warm up, 不過我們還是先去起跑點抖抖
今日本想睇吓一個月訓練的成果, 但係抱恙出賽,
本來開頭都跑得好好地, 點知去到 3km 開始竟然橫隔膜痛!!! OMG!!!
一路痛呀痛, 痛到要停低行咗兩次, 攪到中段的幾公里慢晒......
係去到 6km 後才唔痛喇, 用返正常速度跑~
本來想留力最後衝一段, 但真係冇晒氣了~
D 人個個都好勁呀! 最後幾 km 我都完全過唔到人, 係 keep 返同人一樣的速度~
今次有三個水站, 其實算好了, 但係我同波比都好無奈, 每杯都係斟得好少水, 一半都冇, 最後個水站就最離譜,
飲完等如冇飲, 真係好口渴咁史返嚟! 下次我都係自己帶水好了 >.<
我到喇!!! 49分49秒, 跑了 8.3km , 平均 5分57秒跑一公里, 都比想像中快, 以前我做開 6min/km 的,
如果唔係行了兩次, 應該仲快D!
不過 Nike+ 個 App 真係好唔得, 用 Android 上好多 bug, 去到 6km 後唔係好計到~
拎咗一支 500ml 的水, 一飲而盡都仲好口渴, 波比不停叫我食 yogurt 我都完全冇胃口!!
我去了排隊拎毛巾, 一路排, D 汗吧吧聲咁滴滴滴, 抹極都有!
波比就去拎 Starsbuck 青檸飲品, 好透心涼呀!
波比今日就 36分33秒
好嘢好嘢, 完成了比賽, 我們就去科學園商場換衫, 不過大部分人都唔識過嚟,
呢邊的洗手間好乾淨, 慢慢換了全套衣服, 然後去食 buffet!
哈哈, 我早有預謀, 今日跑完比賽要慶祝, book 咗去沙田的帝都酒店 2+2 cafe 食宵夜 buffet~
去到要排好隊等安排入座, 海鮮主題, 食物款式都多而且不斷會有新款供應~
後期仲有炒蟹同埋脆皮豬手添, 啱晒波比先生呀!!
仲有生蠔呀! 每 round 拎三隻, 味道唔錯, 我見有人拎咗五六次, 洗唔洗咁博呀.......
仲有魚生、凍蝦、青口等等~
雪糕有伯伯加奴同埋哈根大師添~
食物味道呢, 我覺得正常 standard 啦, 講唔上係「好好食一試難忘」,
但係二百零蚊食到咁多嘢, 算是令人很滿足了~
.jpg)
沒有留言:
發佈留言