大掃除之聖誕節

因為今個聖誕期會有不同的朋友到訪, 今日屋企來個超級大掃除,
總共掉咗起碼 7 袋垃圾, 仲有捐咗兩袋衫同埋兩袋鞋.......
執咗足足大半日!!! 除咗大年初一, 我諗我哋屋企今年都從未咁乾淨過!
個廳「終於」都出返嚟喇! (之前真係成個狗竇咁.....)
見到個屋企咁乾淨, 人都開心好多!



執完屋就出去買嘢, 搵咗幾間百佳, 終於俾我搵返呢款朱古力!
包裝有點熟口面?



佢係金莎同一間公司出的朱古力, 百佳寫住叫鑽莎,
係有 4 種不同果仁製成, 類似金莎的朱古力~
我考試期間見到, 一早已講定考完試要買盒獎勵自己, 點知考完試度度都見唔到.....
難得, 今日終於俾我搵到了! 好嘢好嘢!
試咗一粒, 味道稍甜, 但滑滑的朱古力同脆脆果仁, 都算唔錯~