深圳半天遊

今早去了跑步, 天氣唔錯啊~
南生圍有好多雀仔呀, 仲吱吱叫得好大聲呀, 好攪笑~



同屋企人食完飯, 我就同波比先生北上,
搭飛機的旅行就未有假未有得去住...... 唯有近近地都離開吓香港咁啦

去了科學園站的書城, 我都係第一次行深圳的書城咋 (聽就聽得多), 果然好大好多書!
行咗個半鐘, 買咗好多書, 都唔洗二百蚊, 好抵呀!



之後去對面的中信廣場, 明明睇 openrice 話車站有個商場有好多食店,
但我搵唔到, 去咗吉之島的 food court 坐坐, 叫波比買少少嘢食, 但佢話冇咩買,
最終買了成碗粉, 好辣!



再遊遊盪盪, 為的是等到六點幾去「豫園」食上海菜,
點知..... 明明六點經過都仲冇人, 我哋六點半再上去, 已經要等位, wu~~~~~
又已經好攰, 好想快D 坐低, 唯有放棄啦,
改咗去地庫的「金牌小龍」, 講真, 菜色完全好普通 (失望中), 不過味道都唔錯嘅~



食唔到好嘢, 唯有去超級市場掃貨去安慰自己,
遇上收工大減價, 竟然 8 蚊有 8 個日式紅豆燒餅, 當堂開心晒!
仲有買咗D 調味料同埋火鍋湯料, 正呀!



今日都算好滿載而歸, 不過真係好攰, 好彩落馬州打的返屋企都唔係好貴~
哈, 好 holiday mood 添~