一起身, 見到天文台話 9 度?! 係真唔係呀? 但又唔係咁凍咋喎!
早上落咗會所讀書, 見到又有溫習考試的人, 大家一齊努力~
讀到11點幾, 出去行咗陣, 好好天, 心情都好好~
下午偷懶, 瞓晏覺, 超爽~~
瞓完又出去買嘢, 準備打邊爐~
生日都唔一定要出去食, 今年又適逢要溫習更加唔多想出去,
天氣又凍, 最啱就打邊爐!
先有冷盤 - 鱈場蟹~
邊爐有至正的配搭 - 小肥羊 + 蠔 + 安格斯肥牛!
仲有食完會念念不忘的響鈴, 不過有D 失望,
上年食過, 明明係好脆的, 食到停唔到口的, 但今次的一淥完就林晒..... 都唔好食嘅.....
經地膽阿 Joyce 介紹, 去了好到底麵家買雲吞,
好到底一向都係賣麵的, 從來都唔知有雲吞賣, 門口亦都冇介紹,
入到去問先有, 真係卧虎藏龍, 正嘢係會收埋的!
個皮好滑, D 餡係好恰當的蝦肉 + 豬肉比例, 好新鮮, 好有那種懷舊雲吞麵的味道,
嘻, 大家有機會要去試吓呀!
最重要還是那小肥羊出品的湯底,
波比先生跑完步返嚟話, lift 口同走廊都充滿了好勁的小肥羊味, 唔係嘩?!
今年波比先生好想買那個五重朱古力蛋糕俾我,
但我話唔好啦, 佢食完一件, 之後好我食晒成個, 玩咩!
所以買了件裝的蛋糕, 有得食吓就好了~
呢件在 City Super 的蛋糕店買, 好真材實料, 好勁酒味!
呢件喺聖安娜買, 小時候的蛋糕沒有什麼款式,
傳統的栗子蛋糕, 已叫人懷念得回味無窮~
輕鬆的食瞓 hea 了一個生日, 很滿足,
原來生日有假放係多麼的美滿 (想起上年生日仲要開 lunch meeting 啃三文治.....)
我想我以後生日都一定會請假了, 哈哈!
很多謝朋友仔的連環生日快樂, 很幸福的感覺~
-1.jpg)
.jpg)
沒有留言:
發佈留言