海鮮邊爐

嘩, 咁鬼凍, 點可以唔打邊爐呀?
要好準時收工, 好辛苦先喺街市同埋凍肉店買齊食材,
個街市同埋凍肉店迫到o丫, 都唔明D 人點解平時好似唔洗買餸, 要打邊爐先出嚟買餸咁!
D 肥牛搶剩幾盒, D 蟹籽包又冇晒........ 好誇張!

波比先生話要食海鮮, 於是就去買了象拔蚌



$88 一條, 阿姐會幫我洗一洗, 然後片埋, 俾埋冰我拎返嚟



呢D 蚌之類的物體我實在唔太好, 不過今次食過有D 改觀,
原來新鮮的, 真係有一種鮮甜味, 唔錯!



等阿姐劏蚌時, 佢又 sell 我買蜆, 十蚊雞有咁多隻
一試, 嘩, 好新鮮好好味呀!!! 仲正過D 蚌囉, 好耐未食過咁好的蜆了!
今年出街食過幾次, 次次都唔多掂, 那些豉椒炒蜆, 炒完D 蜆肉都唔見晒咁.....



仲有超甜粟米同埋西洋菜,
用了濃湯寶做湯底, 幾好呀, 清清地, 唔似上次小肥羊咁咸~