自作業再慶生日之鵝肝牛柳大會!

哈哈哈, 今日的讀書進度真係.... 唔好提了.........

早上做家務, 洗晾衫、執屋、洗廁所、洗碗, 攪到十一點幾.....
讀咗兩個鐘, 又身痕出去買餸~
再讀一陣, 恰眼瞓..... 不如出去 shopping 振奮吓精神! 真係 shop 咗嘢返來囉~~~

尋晚食了中式打邊爐, 今晚要來多次西式晚餐 (借再慶祝生日為名)
今晚整鵝肝牛柳, 好成功呀~~~ 好開心呀~~~~



話說我 9 月18日應承過波比先生, 要整一餐好味的鵝肝俾佢歎,
今日就去買了!!!
嘩, 放喺度解凍時會標油的~



聽人講煎鵝肝好難, 好易燶! (燶咗真係會欲哭無淚)
睇咗好多人的教學, 有D 話大火煎, 有D 話慢火煎,
有D 話要撲一層粉, 有D 話唔洗, 都唔知信邊個好?

不過根據之前在曼谷的文華東方食過, 廚師都真係有撲粉煎的, 所以我信大廚的製法啦!
灑少鹽少胡椒 , 撲薄粉, 中細火煎,
嘩~~~ 真係好大煙呀~~~ 隻鵝肝係咁標油, 標咗好多好多油呀~~~~~
成功地煎完, 冇燶到, 已經算好喇掛!

睇吓, 成塊牛扒上面的油, 都是來自鵝肝的~



我唔客氣了!!! 鵝肝配多士係史上的絕配!
好香, 好油, 大大啖, 唔似出去食咁俾超微型的一片薄片你,
太滿足喇~~



跟住到介紹牛柳喇,
大塊的是美國頂級肉眼, 細塊的是牛柳, (hei, 其實我覺得D 名都係任佢作嘅o者, 個樣靚唔靚最緊要)
究竟點樣醃牛扒先會林呢? 之前有時整得唔好, 整到成件牛扒好 un, 嘥晒.....

從網上得知, 最緊要唔可以落鹽醃, 會即變 un!
要變林的方法, 可落梳打粉/鬆肉粉, 但實在唔想落D chemical 落自己的食物度 (出去食就冇得揀o者)
另外有好多人都話可以落D 果汁去醃, 有人提過用菠蘿汁, 咁啱屋企又有新鮮菠蘿一大個,
於是就用了一小片榨汁去醃牛扒了!



哈哈, 又好成功呀! 五成熟, 兩塊牛扒都好林, 好多肉汁呀~
其實我都唔知係果汁的功勞, 還是牛扒本身都幾靚所以咁林,
anyway 個 final product 好滿意啦~~



最豐富又滿足的一餐啊, 哈~~~
暫時忘記咩膽固醇先啦~ 至多 weekend 做返吓運動囉~~