好嘢, 放監ed!

等咗呢日好耐喇, 我終於都出返嚟喇!

考完試即刻約咗波比先生去行新開返的宜家傢俬,
記得6 年前的 12 月我哋又係一齊行宜家傢俬, 為我們的家準備, 話咁快就六年~

唔少得嘅, 梗係食啦!
好耐冇食過宜家傢俬嘅肉丸喇, 可惜今晚要做節, 唔可以食太飽,
所以去咗食熱狗, 好好味啊!

成個月冇拎過部大相機出嚟喇! 係時候影返餐夠!
不過又因為趕住去食做節飯,只可草草影幾張!





青衣城的 Sanrio World, 太多人, 冇入去喇~



今日收到 Rosa 送的生日禮物, 仲有 Joyce 送的聖誕禮物, 真係好開心啊!
我都要去買D 聖誕禮物先!