追回的時間

今日好好利用了一天的時間,
去了電負離子, 係元朗一間小小的舖頭, 個髮型師竟然認得我 ,
上一次負離子已是三月的事, 可能太少短頭髮的人會去負離子掛,
用了三小時, 睇返成個月的雜誌, 爽呀!

之後同波比先生去食 Tea, 成個月冇試過喇!
仲有去 Elements 行街街, 但聖誕佈置不如想像中的美~


仲有去旺角行街,
又約咗好友阿靜食飯, 用三個鐘傾返三個月的偈, 好開心, 還要多謝阿靜請的生日飯~