港台的節目, 真的很有水準, 最愛頭條新聞諷刺時弊的手法, 生鬼抵死有趣,
其他探討社會問題的節目, 令我呢個不愛理時事的人, 對社會都多一點認識,
看看社會上不同的人有著不同的生活問題, 反觀自己, 已經算是好幸福, 要多珍惜~
財爺話派糖, 綜緩出雙糧, 有人質疑做法係咪有問題, 因為佢哋根本唔係受影響減薪被裁員一群,
個人覺得, 如果D 錢係俾D 老人家, 傷殘, 患病, 單親家庭人士去稍稍改善佢哋的生活, 是可接受的,
但如果話要我交五位數字的稅, 之後又將這五位數字的錢奉送俾嗰D 生三個細路又游手好閒唔做嘢的父母, 我就真是心有不甘,
拎到D 錢, 佢哋又會用嚟搭飛機去旅行同配 Gucci 眼鏡嗎?
財爺左計右計, 先話最多每人退稅 $8000, 我們交的稅都是我們每天辛苦工作得來的一部分~
但領緊萬幾蚊綜緩的家庭, 咩都唔洗做就出雙糧, 財爺的政策真令人有點摸不著頭腦......
或者要覺得我哋呢D 要自己供樓供養父母又供自己讀書的人, 很可悲......
港台節目重溫
好多日未見過咁藍的天空了!
今日去了荃灣廣場, 試咗一間叫「滇家菜」的菜館, 食物好有水準啊!
最開心係有我最愛的高力豆沙, 整得好好味呢!
-1.jpg)
.jpg)
絕對贊同呀! 其他人可能唔清楚就會覺得領綜緩o個o的人真係好有需要好慘，我地做呢行日日見住咁多，有幾多真係有需要我地睇得一清二楚，我地自己養自己o既呢班中產仲要拎o的錢出黎養埋呢班人，真係有點搞笑。財爺仲話發雙糧畀佢地係想佢地有多個錢旁身，咁我地呢o的中產呢? 交完稅供完樓我都想要o的錢旁身呀! 咁邊個畀我地? 我覺得最需要幫o個o的，係有自尊有骨氣辛辛苦苦出去做野都唔去拎綜緩，養一家幾口o個o的低收入人士囉! 而家真係眼見越來越多有手有腳，廿幾三十歲兩公婆都游手好閒，生兩三個細佬，訓到十二點幾一點然後推住bb車出去食下午茶o個o的人囉...唉
回覆刪除政府的綜緩 policy 又真係好笑話, 4-5人家庭有成皮嘢, 咁邊有人去搵嘢做! 話搵唔到嘢做? 我就唔信有手有腳仲冇嘢做!
回覆刪除低收入家庭的 policy 仲笑話,學妳話齋我都曾經有 case 係自食其力去做嘢, 想脫離綜緩, 但辛辛苦苦都係得幾千蚊, 高不成低不就
本來佢拎開 CSSA 的, 後來變了拎低收入人士的支助, 加埋佢份人工都唔夠本來的綜緩咁多錢! 但好彩佢都好有骨氣繼續自己去工作囉!
我都覺得如果出雙糧, 都真係好應該出俾佢哋, 而唔係嗰D 去嘆下午茶的綜緩人士~
哈, 係呀, 我而家都見愈來愈多嗰D 二三十歲的綜緩父母,
人生就係生仔拎多D 綜緩, 完全唔洗憂食憂住憂點幫小朋友交學費, 得閒就去嘆茶同返大陸揼骨!
但係妳就要返工做到史史吓, 放工仲要趕買餸煮飯見得阿 B 幾個鐘, 又要憂第時供書教學.....
香港就是這樣呀