返工 Mode

成日放假的後遺症, 就係好難由放假 Mode tune 返自己去返工 Mode...
一諗到每朝要迫三程車返工, 就會令我唔想返工,
不過一返到去, 太多嘢做, 一開始打仗就唔會諗太多其他嘢!

我上星期話讚佢靚仔嗰個伯伯, 今日出院了,
換晒便服, 梳個靚頭, 比上星期更加靚仔添,
同佢傾咗幾句, 哈哈, 佢真係好可愛!
希望佢出院後健健康康, 唔好再入嚟咯, 唔好再見咯~

今日聯絡過車行的職員, 原來我哋想買嗰架車喺香港淨返幾架咋,
仲要冇我哋想要嘅銀色....
下一批貨要 6 月先到, 仲要係 09年版又會加價, 噢... 點算好?