新工作環境及崗位, 也適應得很好~
波比先生變乖了, 一同生活了快將 11年, 有好多話了好多年的壞習慣, 從來冇改過,
但有咗小豬嘜之後, 竟然一個一個的改好了,
小豬嘜, 妳太厲害了吧!
2015 年, 小豬嘜的降臨將會令生活起了很多的變化,
二人世界的時光, 像一天一天的在倒數中, 會叫人更加珍惜
1月1日, 我們一家就去了嘉道理農場探豬豬
豬豬 11am -1pm 就要入返屋仔內, 所以我們十點幾就到達, 不過只見到兩隻
之後坐穿梭巴士上觀音山, 上年來了, 是坐到第二個站行上去, 但今日的體力不行了......
到了山頂, 好靚的太陽天空和山巒
又見到少少櫻花啊!!
之後就由山頂行落山, 都有行吓呢D 山林小徑,
生 B 後, 真係唔知幾時先可以再行山了........
約一點鐘落返到豬欄, 等等等, 終於又到放豬時間喇!!!!
今次全部豬豬都走晒出嚟, 好可愛呀!!!
見到佢哋又追逐又打交, 好攪笑!
玩完就梗係曬住和暖的太陽瞓覺覺豬啦!
睇到一點半, 我都要走了, 離開是最麻煩,
小巴總是冇位, 迫住搭 64k 要成 45 分鐘先返得到元朗........
-1.jpg)
.jpg)
沒有留言:
發佈留言