[小豬嘜] 為妳而準備

尋日聽完運動班, 係時候要去實踐吓, 千祈唔好聽完就算!
頭三個月, 其實我還有跑步, 但十一月開始, 見過已經成型的小豬嘜, 就唔敢再跑了.....
然後天氣轉涼, 晚飯後都實在好難的起心肝去行吓........
好彩我份工, 每日半日睇門診 (齋坐), 又有半日上病房 (行企坐), 都總算有D 活動嘅~
間中又有跟吓 youtube 做吓 pregnancy yoga

剛過了 24 週, 都係時候要 regular D 做運動了!! 否則可能愈來愈多併發的產前後問題出現
今日就行去南生圍, 來回個幾鐘, 曬曬和暖的太陽, 還見到雀仔游游水, 身心都開朗!



叫波比幫我影張側身照, 哈哈哈, 我想話十二月到一月, 個肚真係大咗好多!!!



下午又是超忙碌, 先陪朋友去收樓, 好希望朋友在新居, 有個好的開始~



之後又是為著小豬嘜忙, 當請到姨姨湊 BB 之後, 我們就暫時不會搬了 (這時勢要換樓實在是一件很煩惱的事......)
唔搬就要整理好屋企, 安置小豬嘜將來很多很多的衣服玩具用品等等........
去了實惠, 而家佢有個叫家匠的服務, 超好啊, 係度身訂造傢俬,
我理想中的大櫃, 畫了幅圖俾佢, 就即刻可以報個價俾我, 再會上門度尺, 畫設計圖, 三星期到收貨!
我家的過百件麥兜產品公仔, 雖然有好多都要收埋了, 但有個新櫃後, 有部分都總算可以同新添置的 BB 物品共存啦~

又去了百老匯買洗衣機同吸塵機, 洗衣機用了十年了, 其實冇壞, 不過係想換過部, 洗 BB 衫都乾淨又快D ~
仲要買了部好勁的吸塵機, 收到貨再介紹吓!
哈....... 生一個孩子真的不容易吧............