[小豬嘜] QE 產前講座第一擊

報了一系列的 QE 產前講座, 今日終於上第一堂了!
我打算去私家醫院生, 但政府產檢還是會做,
實在對屯門醫院冇咩好感啦...... 所以就去了 QE, 因為我係 HA staff 所以可以去那邊的 staff clinic, 服務都會好D!

今次聽呢個 talk 係個 introduction 同 overview, 姑娘講得好好呀, 唔會悶,
而且由醫院的姑娘講的說話, 你可以毫無疑問地相信, 唔似D 出面D talk 咁, 我聽過有D 內容真係覺得不盡不實!

之前見到D 媽媽 group 的人好熱衷報啲奶粉商、尿片商的講座,
well....... 咪又係貪小便宜去拎贈品,
聽了兩次, 覺得內容重覆, 有D 又求其講D 唔講D, 我自己睇書好過啦........
所以都唔會再嘥時間去出面嗰D 了~

聽完 talk, 行去尖沙咀的 Al Dente, 好耐冇嚟了!!
唔知點解而家上菜的速度快咗好多!!
今天的甜品最驚喜! 是似 Tiramisu 的 cream cheese, 下面有香蕉同埋 caramel 脆餅底, 好好食啊!



食飽飽, 波比先生陪我行街街, 去了睇衫睇 BB 嘢, 不過行行吓就好易攰.......